Ek sukkel om op te hou luister na The National se CD “High Violet”. In die kar se shuttle draai ook hulle vorige plaat – “Boxer”. Die band word beskryf as “post-punk revival”. Dis seker akkuraat. Soms wens ek die radiostasies in Suid-Afrika het interessante musiek gespeel. Dankie tog vir die internet. Binnekort gaan mense in hulle karre op die web kan gaan en na regte Amerikaanse radiostasies luister. Dan hoef ons nie na die keuses van die wannabe Suid-Afrikaanse radiostasies, met DJ’s wat eerder in Amerika wou wees, te luister nie. Daar’s ʼn Amerika wat goeie musiek maak, gelukkig. The real thing. ‘n Mens vind dit egter nie op die radio in Suid-Afrika nie. Binnekort gaan Suid-Afrikaanse radiostasies baie jammer wees dat hulle nie plaaslike musiek ondersteun het toe hulle nog kon nie.
Hier’s ‘n video wat The National vir “Bloodbuzz Ohio” gemaak het. Dit kom van “High Violet” af. “I still owe money to the money to the money I owe…”
Gaan luister ook gerus na “Daughters of the Soho Riots”.
My persoonlike utopia sal oorbevolkte strafkampe hê, as elke Bittergal hokgeslaan moet word.
Inderdaad fokus dié webblad op die digkuns, Brolloks. Plaaslik sowel as internasionaal. Maar eweneens handel dit oor dinge wat digters interesseer en hulle (moontlik) tot die maak van gedigte inspireer.
Daarom verskyn daar ook bydraes oor kuns, klassieke musiek, fiksie sowel as nie-fiksie boeke, filosofie, ens. ens.
Dit vorm alles deel van daardie ding wat ‘n mens kreatiwiteit noem.
Verskoon tog. Om u te irriteer.
Om jou te irriteer.
Fokus hierdie webblad nie op gedigte nie? Waarom is elke tweede inskrywing deur Desmond Painter en Andries Bezuidenhout oor popmusiek en lirieke?