Deception deur Corne Eksteen
BOOSHEID
Is boosheid ‘n spoor
wat met ontkieming inglip
en brandnekelneste
in vlieshoeke druk
wat sonderling verskiet
tot duisend korrels
in die bloed
hakkend na blombodem
om dáár geniaal te spriet?
Rankers van ons vaders
wat die vrug in ons verdruk.
Hoe stomp die byl daarteen …
Tot ons ook bloot,
gestekeld,
die spoor
tot kiem laat glip.