Andries Bezuidenhout. Black History Month

sê die man se T-hemp
wat op kampus by my verbystap.
Gewapen met latté en croissant
gee ek die glimlag, daardie skinny decaf een
wat sê: “ons is nie almal so nie”
maar weet dat ons eintlik almal so is
al dink nie ek of hy so nie –
ek en die man met die T-hemp
wat op kampus by my verbystap.

Bookmark and Share

14 Kommentare op “Andries Bezuidenhout. Black History Month”

  1. A latté continua?

  2. Baristas of the world unite?

  3. Desmond :

    “gee ek die glimlag, daardie skinny decaf een”

    ek is jaloers op hierdie reel.

  4. Dankie Desmond. Voel of ek dit iewers gesteel het. Tony Hoagland? Dalk die “skimmed milk” in “The Story of White People”. Ek sien uit na Nuwe Stemme Fuif!

  5. Desmond :

    Andries, ek het net Versindaba droedels daarin laat opneem – jy sal maar moet wag om te sien of dit my eerste of laaste woord gaan wees… Daar is gelukkig werklike jong en nuwe stemme ook in die bundel.

  6. As dit jou laaste woord is, stuur ek die mafia om jou uit te sort. Uitstekende line-up in daai bundel (rock band terminologie). Idees vir die solo act: “Desmond se droedels” of “Droedelsakklanke”.

  7. Desmond, op die tema van hipster baristas se skinny decaf jeans, dalk ken jy hierdie een van Brooklyn Funk Essentials? “I got cash”. http://www.youtube.com/watch?v=6_9blTxwFeA

  8. Dorette Louw :

    Andries, ek kliek op die afwesige “like” knoppie.

  9. Desmond :

    Andries, my solo se werktitel is vir etlike jare al ‘Zoot Stukkies’. As jy die verwysing snap, koop ek vir jou ‘n cappuccino met ekstra room (en ek sal my Biko T-hemp dra vir die okkasie).

  10. Johann :

    Desmond, ek het onmiddellik gedink aan ‘zoot suit’ wat ek op my omswerwinge raak gelees het. Dit verwys na o.a. klere sowel as musiek. Hier is ‘n vertrek punt:

    http://en.m.wikipedia.org/wiki/Zoot_Suit_(disambiguation)

  11. Desmond :

    Johann, ja, maar daar is ‘n meer spesifieke verwysing. (Andries het sy cappuccino nou verbeur!) Die media het op ‘n stadium in 1991 berig dat Johannes Kerkorrel ‘n album met die titel ‘Zoot Stukkies’ sou uitreik. Later is dit verander na ‘Pers Reen’ en dit het uiteindelik verskyn as ‘Bloudruk’. Ek en ‘n vriend van my het hom in 1991 (ons was in Standerd 9 en enorme fans; en is trouens steeds) op Groentemarkplein raakgeloop en hom gevra wanneer die nuwe album verskyn en of dit ‘Zoot Stukkies’ genoem gaan word. Hy het gese ‘oor ‘n paar maande’, maar hy was minder duidelik oor die titel. Sedert die verskyning van ‘Bloudruk’ dreig ek al om iets, enigiets, uit te reik met die mooi titel ‘Zoot Stukkies’. (Terloops, ek het ‘n paar maande terug op die SA MEDIA databasis gaan soek na die ‘Zoot Stukkies’ berig: dit was uit Theunis Engelbrecht se pen.)

  12. Desmond, jy’s nou in die openbaar tot verdere publikasie verbind. En dit vir die prys van ‘n cappuccino!

  13. Johann de Lange :

    Ons sal nou helaas nie weet waar Ralph daaraan gekom het nie, maar dit sal via die musikale geskiedenis van die woord wees. En ek sou sê met die ‘stukkies’ dryf hy die spot met die idee van groots opgesette werke soos bv suites: van zoot na zuit na suite. Soiets.
    Koos Prinsloo gebruik in die eerste verhaal van sy debuut die woord Zook. En dit het my laat dink aan Battiss se Fook Island werk. But I digress (Lg. sal ‘n wonderlike titel wees vir ‘n outobiografie).

  14. Zoote Inval.

  •