Nie alweer nie, hoor ek sommige sug. Hoe dan anders, net soos die ‘Cheshire kat’ bly sy haar verskyning maak?!
“…en wat is skitter
Wat soveel meer is as in skyn?
Want word jy groter raak jy klein
Met soveel vrae
Met bittermin wat rym:
Dis al’s ʼn draaikolk in my brein….”
Uit: Winkellpoppe – Sonja Herlodt
Gister in die posbus vind ek ʼn brief van n goeie vriend met die cd “Reconstructing Alice” van Sonja Heroldt.
Uitstekende tydsberekening, want more eindig die “Alice in Wonderland” kuns-uitstalling by Longstreet Art Lovers 1932 onder leiding van Gordon Froud. Die uitstalling is ter ere van Alice se 150ste bestaansjaar. So vir diegene wat nog nie daar was nie, gaan maak gerus ʼn draai, of besoek die gallery se facebook blad hier.
My gunsteling kunswerk is sekerlik hierdie een:
“At 150 one could ask Alice almost anything”
380 x 270 mm
Etching
Edition of 25
Wat sou jy vir Alice vra?
Sy het al soveel illustreerders, kunstenaars, musikante en ander skrywers geinspireer, maar ek kan nie help om te wonder watter digters het al deurgeloop onder haar invloed? – al wat ek sover kon kry is hier.
Hier volg n stukkie uit
Kervansary
…..I play at Alice in Wonderland: grow larger and smaller
In front of all the travel doors of memory.
There was a time when I drowned in my tears: a tolling bell
Of parting, rejection, the end of a relationship,
Impelled the journey. The ginger cat’s smile lingers….”
(uit: Visums by Verstek, H&R 2011) vertaal deur Charl JF Cilliers
In verskillende stadiums in my lewe is daar verskillende dele van die boek wat my aangryp. Tans is dit die hoofstuk waar sy met die hertogin se baba te doen kry:
“and she began thinking over other children she knew, who might do very well as pigs….p70”
Ek het vir my seuntjie die storie begin lees. Net jammer die vertaalde kinderboeke is so afgewater; maar na 150 jaar, wat kan mens verwag?
Veels geluk Alice en totsiens Sonja- tot volgende keer
“So trapped here in transition
Stuck in time and space
Should I sell my soul for silver
To try and save my face?
Within the myth and mayhem
Amidst this mindless malice
I’ll stand before the mirror
And I’ll reconstruct
This alice…”
Uit die liedjie Criminal logic – Sonja Heroldt
Hannelie, jy gaan sukkel om daardie 35-jaar oue romannetjie in die hande te kry. Ek vermoed dis net (ou) biblioteke wat dit sal aanhou. 🙂
Dankie vir die waarskuwing Leon. Ek lees enige iets, selfs koekoes idees van ander, afhangende van hoe dit geskryf is. Die enigste nadeel om in n klein dorpie te bly is dat hulle nie eers een boek wat geskryf is deur Gardner het nie, ook nie “Klipkus”! (Marlise jy het my nou nuuskierig oor hierdie roman)
Hannalie dalk net ‘n woordjie van waarskuwing: baie van Gardner se boeke is samestellings van sy Mathematical Games maar ander handel weer oor pseudowetenskaplike begrippe en mense met koekoes idees oor byvoorbeeld VVV’s, die hol aarde en so aan. Ek twyfel of jy my belangstelling in hierdie onderwerpe deel, so maak eers seker waaroor ‘n boek handel voordat jy dit aanskaf. Ek is seker jy sal Annotated Alice verslind en sien uit na ‘n inskrywing van jou hieroor!
Leon ek het destyds in my jeugjare die boek Annotated Alice gelees as navorsing vir my roman Klipkus – want ek het paralelle getrek tussen die Alice-gegewe en my storie(ook met Sappho, die Griekse digteres). Die Annotated Alice was inderdaad vir my ‘n merkwaardige informatiewe boek! Ek moet dit eintlik weer lees..
Wonderlik! Baie dankie Leon, ek sal uitkyk vir sy boeke.
Dankie vir die skakel na Kiefer se skildery. Ek kan die Annotated Alice baie hoog aanbeveel, sowel as enige boek deur Martin Gardner. Hy het vir AERO sowat 30 jaar die Mathematical Games rubriek in Scientific American hanteer en ek vermoed jy sal meeste van sy boeke interessant vind.
Hypatia was ‘n geniale mens en beslis een van die grootste figure in die antieke wetenskap.
Leon ek het gehoop dat die boek oor Euklidius (ek weet nie of dit die regte Afrikaanse naam is nie) meer biografies is, maar dit wil my voorkom (na nog n ‘google’ sessie) dat dit meer teoreties is en heel moontlik bo my vuurmaak-plek. (Alhoewel dit in die ‘hel’ afspeel.) Ek het lank gelede gelees dat die wiskundige ‘Hypatia” vermoor was met oester skulpe en daarna verbrand was. Later het ek die indrukwekkende kunswerk van Anselm Kiefer getiteld “Hypatia” gesien. (http://www.artgallery.nsw.gov.au/collection/works/324.2005.a-c/)Ek wens ons was meer geleer oor die geskiedenis van Wiskunde, dan sou ek dalk meer belang gestel het op skool. Is wiskunde ook nie n kunsvorm? Om terug te keer na Alice, wat was jou indruk van “Annotated Alice”? Kan jy dit aanbeveel?
Hannalie ek het ongelukkig self nie die Annotated Snark gelees nie, hopelik kry ek dit eendag in die hande. Carroll was natuurlik in sy “regte” lewe ‘n wiskundige soos jy sekerlik weet, vandar die boek oor Euklidius (is dit die regte Afrikaanse naam van Euclid?)
Ongelukkig nog nie Leon, maar het dit nou ‘ge-google’ en dit is defnitief op my wens-lys vir kersfees! Op die wikipedia blad noem hul ook “The Annotated Snark” wat net so interessant lyk! In die voorwoord van my Alice boek is daar ook n boek “Rhyme and Reason (1883) en dan n ander wat hy onder sy regte naam geskryf het “Euclid and his Modern Rivals” (1878) waarvan ek graag meer sal van wil weet. Nou is dit net om dit in die hande te kry!
Hannalie, het jy al Martin Gardner se “The Annotated Alice” gelees?
Dankie Wicus! Ek hou baie van die aanhaling! Ek dink die Wit Haas is heeltemal reg. Dalk is hy die “man” met twee horlosies?
Het die skryfsel geniet. Ek het die volgende ‘quote’ vandag op Facebook ontvang (ek dink dit is ‘n teken – ek weet nie waarvan nie, maar nog steeds ‘n teken.):
“Alice: How long is forever?
White Rabbit: Sometimes, just one second.”
– Lewis Carroll