No lines,
sê die padbordjie tussen Colesberg en Hanover
& mens wonder of dit nodig is
om ʼn vraatsugtige Johannesburg-neus
daaraan te herinner dat sneeu selde hier op straat te koop is,
of dalk bedoel dit dat die enkelganger
na die boekfees by Richmond geen reëlbreuke
in sy gedig oor die padbordjie mag gebruik nie.
Mense hier probeer nietemin
om ʼn streep in die sand te trek
vir Royal Dutch Shell,
ʼn naam wat soveel water vir ʼn dor plek aanneem.
No lines,
sê die Minister van Mineral Resources,
maar sy’t dit verkeerd,
want met pompe en bore kom stofsuierneuse
en off shore tax havens omring deur water,
water in oorvloed.
But a landscape as dry as this
is a landscape for words and I contemplate
the missing g between Han and Over
or maybe a d, since all will be handed over
to Royal Dutch Shell
en spierwit lyne op die gladde blad
van wat oorbly van die antieke meer onder die Karoo, maar
No lines,
sê die bordjie tussen Colesberg en Hanover vir eers,
No lines,
No lines.
Ek het geen benul waar Elandgat is nie, maar ek is bly die bordjies het jou tot so goeie gedig geinspireer! Goed raakgevat: Stofsuierneuse!:)