Menu
Versindaba
  • Nuwe Bundels
    • Digbundels (2022)
    • Digbundels (2021)
    • Digbundels (2020)
    • Digbundels (2019)
    • Digbundels (2018)
    • Digbundels (2017)
    • Digbundels (2016)
    • Digbundels (2015)
    • Digbundels (2014)
    • Digbundels (2013)
    • Digbundels (2012)
    • Digbundels (2011 & 2010)
  • Resensies
    • Resensies
    • Resensente
  • Gedigte
    • Gedigte (A-M)
    • Gedigte (M-Z)
    • Kompetisies
    • Vertalings
  • Digters
    • Digters
    • Onderhoude
    • Stemgrepe
  • Skryfhulp
  • Borge
  • Oor Versindaba
    • Kontak
Versindaba
7 January 20146 January 2014

Johann Lodewyk Marais. ’n Lewe

’N LEWE

 

In die klein ryk van my vae kindertyd

het ek kastele in die lug gebou

en die son in die ooste sien opkom:

oor riviere, vleie en heuwels sien skyn

en in ’n hemelsblou middag verdwyn.

Oral was die gees van my voorvaders,

bloedverwante wat allengs vertrek het

op ’n ander tog, durend, onkenbaar.

Die tuin met rosette van dahlias,

rose met hulle toevertroude lewe

en ’n oorle ouma wat bly herrys

in suurlemoenverbena se nageur.

Maar die stem van dié wat eens geroep het

na vryheid en geregtigheid was stil,

of eggo plek-plek in ou patroondoppies,

’n skyfskietklip vergete in die gras

en stories van ’n verlore oorlog.

In die huis in ’n uithoek van die land

het ek die wind in die bome hoor waai,

geskrik as dennebolle op die dak val

en ’n donker hand verbeel wat ruite

hard in hulle houtrame laat ratel.

By die kamer van die ademloses

het ek meteens myself in die deurspieël

van die swaar hangkas gesien en geken.

’n Vrou het my hand gevat, uitgelei

na buite, op ryp duiwelsnuif getrap

en my tussen skraal dennestamme my

moedertaal uit die eerste mond geleer.

In daardie dae het ons in ons spel

tydloos na aan die grafte gelewe –

die dooies nogmaals ter aarde bestel,

’n halfontbinde duif herbegrawe.

In die veld het sy beesmis opgetel,

versigtig geplak, en met haar vingers

patrone in die nat miskoek getrek,

en gekoes toe ’n miskruier opvlieg.

In ’n klipskooltjie het ek op ’n lei

onseker syfers en letters leer maak:

in die klaarte en digtheid van syfers

en die sinsbedrog van woorde verdwaal.

Die wind het oor die berge opgesteek

en om Skeurklip, Pelaan en Hlomisa

gehuil en kilte en verdriet gebring.

’n Reis het begin na ander plekke,

oorkant hierdie berge, waar die wolke

laatmiddag soos aandblomme verskyn.

Met my oog op ’n verweerde aardbol

en ruwe kaarte van groot trekroetes

het alles onherstelbaar begin kwyn.

 

© Johann Lodewyk Marais / 2014

 

 

Deel:

  • Click to share on Facebook (Opens in new window)
  • Click to share on Twitter (Opens in new window)

Lees meer

← Johann Lodewyk Marais. Hargeisa, Somaliland
Johann Lodewyk Marais. Arabierperd →

4e gedagtes oor “Johann Lodewyk Marais. ’n Lewe”

  1. Johann Lodewyk Marais says:
    10 January 2014 at 10:17

    Baie dankie, Joan, Marlise en Breyten. Ek het probeer om op te som.

  2. Buiteblaf Breytenbach says:
    9 January 2014 at 14:35

    ‘n Lieflike vers. Dankie, Johann Marais.

  3. Marlise Joubert says:
    9 January 2014 at 11:32

    Ek stem saam Joan, hierdie melankoliese vers het my ook verruk.

  4. Joan Hambidge says:
    9 January 2014 at 10:25

    Mooi vers! Jy is terug by jou lieflike debuut (“Die somer is ‘n dag oud”) — jou jeug, die plaas, herinneringe…werklike, roerende gedigte.

Kommentaar is gesluit.

Meeste gelees

  • Versindaba kompetisie: “Mediese” poësie. Wen R7 000+ in prysgeld!
  • Wedstryd: Skryf ʼn parodie of ʼn pastiche
  • Resensie: "Grondstof" (Helena Ewert)
  • Bester Meyer. Water bind my aan jou naam
  • Resensie: "Silwerwit in die soontoe" (Imke van Heerden met Anil Bas en Etienne van Heerden)

Nuutste bydraes

  • Andrea Sieberhagen. Ontredderd
  • Andrea Sieberhagen. Klaskamer: Die ander kant
  • Riaan le Roux. Herbergsaam
  • Joan Hambidge. Om ʼn stad te verbeel(d)
  • Digtersprofiel: Jolyn Phillips

Nuutste kommentaar

  1. Rina Cascione on Nini Bennett-Moll. Wanneer bemarking paradeer as literêre kritiek26 November 2023

    Nini, ek het jou skrywe met aandag gelees en begryp nie waarom daar so 'n storm losgebars het nie. Jy…

  2. Mart-Marié Uys on Nini Bennett-Moll. Wanneer bemarking paradeer as literêre kritiek26 November 2023

    Baie geluk met hierdie skrywe. Jy herinner mens weer wat die werklike verskil tussen lekemenings op Facebook en verantwoordbare resensies…

  3. Marlies Taljard on Nini Bennett-Moll. Wanneer bemarking paradeer as literêre kritiek24 November 2023

    Die ergste is dat so baie van hierdie stokperdjie- en leunstoelkritici op die keurpanele van die belangrikste literêre pryse dien.…

  4. Mellet Moll on Nini Bennett-Moll. Wanneer bemarking paradeer as literêre kritiek24 November 2023

    Die onbedoelde gevolg van die prys wat Crito ingestel het, is natuurlik die feit dat dit die skrywers van lesersindrukke…

  5. Dewald Koen on Nini Bennett-Moll. Wanneer bemarking paradeer as literêre kritiek24 November 2023

    Dankie vir 'n besonders insiggewende en interessante artikel, Nini.

Kategorieë

  • Artikels, essays, e.a.
  • Binneblik
  • Blogs
  • Digstring
  • Gedigte
  • Kompetisies
  • Nuus / Briewe
  • Nuwe Publikasie
  • Onderhoude
  • Resensies
  • Stemgrepe
  • Uncategorized
  • Vertalings
  • VWL 50 jaar later
  • Wisselkaarten
©2023 Versindaba | Ontwerp deur Frikkie van Biljon