Lykdig 9: Fransi Nieuwoudt. Ingrid Jonker

Ingrid Jonker


Jy wat die glasskerwe van weggooibottels

soos ‘n geheim

in die grond kon bêre

dit kon inpapie met die roulint van blare

 

beenwit gewier

‘n oopgedolwe kerker

 

jy wat in jou eie op en af

die skuimskot van branders

kon naderhark

in leed-uitbundige verse

 

doodstil gewieg

in die gladmaak van golwe

 

in die ruising van jou woorde

spoel daar steeds krappies uit

wat die wolke se fynskrif

op duine herhaal

 

 

Bookmark and Share

Een Kommentaar op “Lykdig 9: Fransi Nieuwoudt. Ingrid Jonker”

  1. Sjoe!

  •