Oor ‘n plek
Oor reis
om my stilte
te oorleef
om vreemd
ander klanke
te beleef
en
andersom
te reis
en alles anders
oor te skryf
en
andersom
jouself
laat vaar
’n Blog oor wag. As jy op pad is. ’n Plek waar jy nie foto’s neem nie, hulle eerder ontwikkel, oor ’n plek sonder ’n moedertaal, dis international, whatever dit beteken. ’n Blog oor ’n plek met sitplekke, wagtyd, buite tyd en heeltyd aankondigings, asem ophou;
Oor sit
Op ’n stasie
op ’n stoel
langs mekaar
vreemd weer
oor herken
op ’n lughawe
op ’n sitplek
langs mekaar
vreemd weer
oor onthou
in ’n hawe
op ’n bankie
langs mekaar
vreemd weer
oor tuis raak
in jouself
terug te gaan
in plek ry
vaswortel
deur nou
in plek sweef
terug te gaan
in plek vaar
vir môre
om te groei
deur spasie
soveel oop plekke
oor net stil
te sit
’n Blog oor aankoms. As jy tuis is. ’n Plek waar jy foto’s vir mure gee, oor ’n plek met ’n taal, jou eie, en alles wat beteken. ’n Blog oor ’n plek vir lê, betyds, en heeltyd kondig stilte aan. Oor ’n plek waar jy uitgepak, rustig sug;
Oor groei
Jou weggaan
het ’n ruimte
tussen my bene
gelaat
nou as ’n borskas
vasgegroei
deur elke
vervelling
en almal tuis laat weet alles is okay;
Oortuig
Die tronkdeur
bly toegesluit
watter kant
staan jy?
Hulle trou nie
hulle het ’n mortgage
watter oomblikke
onthou jy?
Standbeelde val
in ewigheid
watter periode
lees jy?
Daar’s ’n plek
sonder twyfel
met baie plek
glo jy?
Oor ’n plek waar jy inboek en oor ’n plek waar jy oorskryf.
© Karen Kuhn / 2015