Tomas Tranströmer: Vertaling uit Sweeds in Afrikaans. Vert. deur De Waal Venter.
Haikoe
Wit orgideë.
Tenkbote gly verby.
Die maan is nou vol.
Kragdrade span ver
in die koue se wit ryk
noord van alle musiek.
Die helder wit son
hardloop alleen nader na
die dood se blou berg.
Ja, ons moet lewe
met die fynskrif van die gras
en gelag uit kelders.
Die son lê nou laag.
Ons skaduwees is reuse.
Netnou is als skadu.
Uit: Haikudikter
Treffende haikoes.
Lieflik!