Hier kan geluister word na ’n voorlesing deur Van Wyk Louw self van sy wydbekende gedig “Die beiteltjie”. Die opname het saam met selfvoorlesings van 29 ander gedigte van hom verskyn op ’n laserskyf getiteld N.P. van Wyk Louw – gedigte. Geen inligting word op die CD-omslag of die CD verskaf aangaande ’n samesteller of uitgewer daarvan nie. Op die CD verskyn wel die volgende kode: K5F05F1085312. Waarskynlik is die album met voorlesings saamgestel uit klankopnames in die SAUK-argief.
Klik hier om die voorlesing te hoor.
“Die beiteltjie” het in 1954 in Louw se bundel “Nuwe verse” verskyn. ’n Toonsetting daarvan, deur Herman van den Berg en wat opgeneem is sy 2002-album “Proe die aarde”, is op YouTube te beluister by die volgende skakel: https://www.youtube.com/watch?v=sv7BCqxtnvU
Baie dankie aan die Afrikaanse Samaritaan vir die beskikbaarstelling van die voorlesing. (Die sg. “klankgreep” het so ‘n greep)!
Jannie Moolman inderdaad manjifiek. Herman van den Berg se vertolking van sy eie toonsetting, is ook lekker om na te luister, hy gee NP van Wyk Louw so ‘n effense Brel geur, dink ek. https://www.youtube.com/watch?v=sv7BCqxtnvU
‘n Manjifieke vertolking (Jannie Moolman) van ‘n lieflike toonsetting (Herman van den Berg) van ‘n onsterflike gedig (NPvWL).
‘n Vertolking (video van ‘n ateljeeopname) deur Jannie Moolman van Herman van den Berg se toonsetting, kan gesien word by
https://www.youtube.com/watch?v=FCNAfQPRlA0.