Nuwe bundel. Jolyn Phillips: Bientang

Jolyn Phillips

Bientang

Omslag

Van Bientang het net die naam van ‘n restaurant in Hermanus oorgebly: Bientang’s Cave, asook ‘n weggooi-opmerking: die laaste Strandloper. Uit hierdie gegewens sny die digter se verbeelding spoor in ‘n kontra-epos. Wie was Bientang? Te midde van historiese geskrifte, kontemporêre angste en oorlewerings verskyn buitelyne om haar vir oomblikke binne bereik te bring. Die toonaard van die bundel is egter verlies oor ‘n verlede wat geen spoor laat in die opgeskryfde geskiedenisse van die land nie.

Human & Rousseau 2020.Prys: R 220,00. Formaat: Sagteband, 64pp. ISBN: 9780798180948.

 

 

 

Oor die outeur

Jolyn Phillips is gebore en getoë in Blompark, Gansbaai. Haar debuutkortverhaalbundel, Tjieng Tjang Tjerries and other stories, verskyn in 2016 en haar eerste digbundel, Radbraak, in 2017. Haar werk is telkemale bekroon. Jolyn is tans besig met haar doktorale tesis aan UWK. Sy doseer Afrikaans aan UJ en is ook ‘n sanger van formaat.

 

Bookmark and Share

2 Kommentare op “Nuwe bundel. Jolyn Phillips: Bientang”

  1. Karen de Wet :

    Jolyn Phillips se bundel is Bientang. Lynthia Julius se bundel is Uit die kroes.
    Iets het hier oorkruis geloop.

  2. Jan, ek het die assistent gevra om dit reg te maak en dit is nou gedoen. Ons besef wel dat dit twee verskillende digters is en vra nederig om verskoning vir die fout. Verskoning is ook by die digter aangeteken.

  •