Nini Bennet. nagdier

 

nagdier

 

god van die leeus

en die vleisvreters

ek dra die donker soos ’n vag

die wind asem onrustig, daar’s niks

meer oor

my verweer is dun

die jagters maak vuur en ek snuif

aan die wit skaduwees

ek soek my geliefde,

ek soek hom bloots

– verdwyn tussen takke

en ritsels vol vrees

 

ek vlug in my klein duisternis

 

o nag, waak oor my

maak my die geringste in die bos

 

Bookmark and Share

Comments are closed.