Net pietersielie
Net pietersielie
en ’n takkie
suurlemoen-verbena.
Roket se neutegeur
in jou mond
en donker, diep
koffie by jou neus.
Net kanferfoelie
en ’n blaartjie
van tamatie
het jy nodig.
Het jy nodig
om mens te wees,
te weet jy is hier
saam met
haar
wat ruik soos weilande,
die glimlag van appelkose,
nat grond na die reën,
vars sonskyn deur die klam wolke.
Net pietersielie
en die ander klompie
het jy nodig
om hier te wees.
© De Waal Venter, 2021
Dalk Ons is mos maar almal familie van van een of ander graad. Maar Boerneef was darem ‘n meester van speelse liriek!
Jy seker jy is nie familie van Boerneef nie? xx 😉