Susan Smith. hoe slaap jy ben van beurden

 

hoe slaap jy ben van beurden

aan die hoof uitvoerende bestuurder van Royal Dutch Shell

namens die seelewe en waters van die Wildekus

 

hoe slaap jy

ben van beurden

hoe slaap jy in die haag

met die beuels van sterwende

walvisse wat deur jou drome

blaas hoe kussing

jy jou ore ben van beurden

teen die heroute van water

se priemende krete hoe voering

jy met glansbrokaat en digte fluweel

die aanslag van desibels die kolkende

skeurende nágolwe van angs die

uitmekaarruk van nietige

ongewerweldes van hompe walvis

van buike en vinne van dolfyne

die ontploffing van hoormembrane

wat oor duisende seemyle

tyd en plek en oorlewing moes navigeer

die klikke die gromme die polse die klappe

van onderwatertaal

 

hoe slaap jy ben

 

hoe slaap jy in die koninklike

nederlandse shell in die arms

van neokolonialisme jou olie

bedruip die handpalms

van gwede en trawante jou mond

blink by die feesmaal van konings-

garnale en kreef

 

hoe slaap jy ben van beurden

 

hoe slaap jy hoe vou jy

jou kinders toe

hoe sus jy jou kleinkinders

hoe lees jy vir hulle stories

oor die aarde wat eens

mooi was en héél

vóór jou

 

hoe slaap jy

 

hoe sit jy aan

by jou eie tafel

ben van beurden

met die liggaampies

van jou kinders netjies

in voorarmpies en boudjies

in magies en dytjies opgesny

verbros in ‘n sousie

 

dis immers jy

ben van beurden

wat die brood breek en eet

 

© Susan Smith, 2021

 

 

Teken die petisie teen Shell se beplande seismiese opnames aan die Wildekus hier:

https://www.change.org/p/shearwater-geoservices-shearwatergeo-and-shell-stop-blasting-the-wild-coast-our-voices-can-make-a-difference-and-put-an-end-to-shell-blasting-in-the-wild-coast?utm_source=share_petition&utm_medium=custom_url&recruited_by_id=21214010-2bdd-0130-926d-3c764e04873b&fbclid=IwAR0Qw15f1OfXuii1IqS-7AkPGK6x2XgK1J17xvLIPz4QD6Ty82qgGXDqJlk

 

 

 

Bookmark and Share

4 Kommentare op “Susan Smith. hoe slaap jy ben van beurden”

  1. Kragtig! Ek het geteken.

  2. Susan Smith :

    Dankie Daniel.

  3. Bester Meyer :

    how do you sleep ben van beurden

    to the chief executive officer of Royal Dutch Shell
    (on behalf of the marine life and water of the Wild coast)

    how do you sleep
    ben van beurden
    how do you sleep in the hague
    with the bawling of dying
    whales trumpeting through your
    dreams how do you pillow
    your ears ben van beurden
    against the heralding of the waters’
    piercing shrieks how do you shell
    the bright brocade and compact velvet
    the violation of decibels the vortex
    the piercing after-surges of anguish
    the pulling apart of frivolous
    invertebrates lumps of whales
    the stomachs and fins of dolphins
    the explosion of hearing membranes
    which had to navigate time and place
    and survival for thousands of sea miles
    the clicking the grumbling the pulsing
    the clapping of the underwater language

    how do you sleep ben

    how do you sleep in the regal
    Netherlandic shell in the arms
    of neo-colonialism your oil
    contaminate the hands
    of gwede and his minions your mouth
    shining at the banquet feast of king-
    prawns and lobster

    how do you sleep ben van beurden

    how do you sleep how do you tuck
    your children in
    how do you soothe
    your grandchildren
    how do you read them fairytales
    about earth which was once
    – before you –
    beautiful and whole

    how do you sleep
    how do you sit
    at your own table
    ben van beurden
    with the bodies
    of your children – neatly cut up –
    in little forearms and glutes
    little stomachs and thighs
    brittle in their sauce

    it is after all you
    ben van beurden
    who break bread and eat

  4. Marianne de Jong :

    Sterk. Goeie vertaling.

Los kommentaar

 

*