Digterboulwerk
(i)
As die veldwerkers my boulbal reg kan lees
sal daar nog ’n paaltjie vir ons wees
maar hulle werk beter met my mee
as ek hulle die regte plek en tekens gee:
met my woordklanke korrek getint
kry die leser soveel makliker die .
(ii)
my vingergreep, hoe ek vat
aan die bolrondsfeer: hoe ek dit laat draai,
dit los en, digterby, waar dit land op die blad,
bepaal die uitkoms en swaai
voor verklaarders dit vertolk en laat weerklink
met naklanke van al die gedink
© Meyer van Rensburg, 2022