Ukwenzakala Komnye*
(Die slag van Marikana, Augustus 2012)
By Wonderkop word hierdie middag pers
en in die krete het ons hom hoor roep
halala Mambush, met jou groen kombers
jou spoor uit Twalikhulu en jou groep
betogers wat die slagveld van die myn
bestorm het met dreunsang en met hoop
dat Afrika steeds pulsend oor hul skyn
en in haar laaste son se voetpad loop
die land vra water en kry bloed, sê hy
madala uit die versland van die woord
senzeni na, Nkosi, maak ons harte vry
my comrades, hierdie stryd duur voort
en jy treur steeds, o my geliefde land
oor vier-en-dertig grafte in die sand.
© Mellet Moll, 2022
*Die titel is die Xhosa vir “An injury to one”.
Opgedra aan Mgcineni “Mambush” Noki, gestorwe leier van die stakende werkers by Marikana.