Dar-es-Salaam: Pierneef
Die stad van vrede wat jy hier betree,
onthou sy vir die lang reënvalle
met oorrompelende sonsondergange.
In hierdie skildery sien die kyker,
verbeeldend, ‘n wêreld vergange.
Is die twee vroue sy (en haar voor-
malige geliefde) ontdekkend, soekend
in Upanga en Kisutu, in Swahili, na stilte?
In watter tyd metafisies of emosioneel
het die skilder dít so volkome beleef?
Dit word alles in ‘n ander tongval ópgehef,
met nog ‘n afdruk in iets nou nes verlange.
© Joan Hambidge, 2022