Wladimir Poetin
1952–
Die man in die woude van die Ooste
waar vulkane gloei en missiele val,
ry kaalbolyf op ’n Kamchatka-beer;
en in Sochi laat hy sy Labrador
inkom en soos ’n donker skaduwee
die Afgaanse mat oorsteek en soekend
snuffel aan Angela Merkel in swart,
stadig omdraai en doodluiters gaan lê.
Om hulle swerm die joernaliste saam
en kry al hoe meer hond se gedagtes.
(2007)
Ná vyftien jaar kan ek die volgende oor hierdie Rus sê (ek hoop veral Johann Lodewyk verskoon my in sy spasie):
die diktator vandag
wat doen hy nie vir sy groter glorie nie
– hy skiet rojaal en blaas met die beste bomme
die lewende stede op
hemel toe
jý ja kan dit sien
soos intieme intimidasie
en wat sê sy paterpapegaai
(die een met die ou kruis en luukse kabaai)
oor hierdie groter glorie?
dit is net: Oe-Oe!
mooi ego-ego
nóg Oe-Oe!
nóg nooit ganôg nie!
22/3/2022