Carina van der Walt. gekul

 

gekul

          (13/06 – 14/06)

 

Wind het gedink hy het vir Vuur ore aangesit

 

sy toorkuns in vlae oor Helderberg

gaan blaas in leë broekspype begin dans

hy kul hier hy kul daar tussen outydse rokke

hier & daar & siedaar pluk hy

verbleikte hemde & stukkende panties uit sy wolkehoed

Vuur probeer keer vonk alle kante toe maak als net meer

 

Reën het die wrede speletjie gesien

Vuur jammer gekry Wind papnat gaan piepie

toe in oorwinningsroes oor sy golden shower

die A44 & ’n ondergrondse parkering oorstroom

 

daarna geklopdans op die dak & simultaan met die kopstuk van die bed geëjakuleer

 

© Carina van der Walt,. 2022

 

Bookmark and Share

Los kommentaar

 

*