Anton Dockel. Gastehuis op Vleiland

 

 

 

Gastehuis op Vleiland

Vallei suid van Laingsburg. Vrugteboerdery

 

Voor die deur van die Seweweekspoort

irriterend naby, klipspat die bakkies

bestof die bome vaal in die perskeboord

anders was ons skemer ook koper, strakkies

 

téén Swartberg deur oerkrag uitgemaal

die laaste keerwal teen die Groot-Karoo

waar ’n mens nog vry kan asemhaal

en die geskiedenis van jou klippe glo,

 

sit ons op die gastehuis se stoep

vanaand hoor ons hoe in uiletaal

hekse versigtig na die sterre roep.

’n pand vir die besoek is integraal

 

by vertrek is die ganse Vleiland ingepak

met ’n net optelklippertjie in my broeksak

 

© Anton Dockel, 2022

 

Bookmark and Share

Los kommentaar

 

*