regressie-analise
my lewe se data lê verstrooi
soos papawersaad op brood
soos die spikkels van oë
soos pratende monde op lughawens
die wêreld oor
en uit die geraas
probeer ek ‘n grafiek trek
wat my opwaarts na die kruin sal neem
ligvoets soos ‘n ribbok
‘n reguitlyn
met regressie-analise ideale R² waarde 0.99
gradiënt ≥ 1
maar my lewe se datums sproet soos infeksievlae
al om ‘n skuins wond
R² = 0.59
en 0 ≥ m ≥ 0
© Marieta McGrath, 2022