Die mense wat my moet vergewe
Met apologie aan Stephan Bouwer
Die mense wat my moet vergewe
groei op my soos mossels.
So vaar ek deur die wêreld
met my swaar kombers.
En wanneer daar ‘n slapelose nagwaak kom,
word die mense wat my moet vergewe
fantasieë vol vergiffenis,
tot die dag breek,
die realiteit self –
die mense wat my moet vergewe, het
my naam reeds lank vergeet.
©Marieta McGrath, 2022
Die gedig is raak.
Dankie