Wit trein
In 1947 stop die Wit trein
op ons stasie in die haai Karoo
en die mense wat die Boereoorlog
vergewe en vergeet het
gaan kyk hoe die twee prinsesse
afklim en stap op die geskropte perron
daar waar ook die renduiwe in mandjies
afgelaai word vir ’n vlietende besoek
Dan fladder die losgelate duiwe op
sirkel in die blou weidsheid
wentel, swenk en wuif
asof in wit handskoene
totsiens
Elizabeth en Margaret
© Anton Dockel, 2022
Ek hou van jou gedigte. en dink dat jy hulle meer moet brei. (Soos klei, daar sit meer in wat jy kan uithaal.)
Hierdie Wit Trein, en almal wat vergewe en vergeet het van die Boereoorlog, hoe haak dit met ons apartheidstreine en ons versugting dat vergifnis en verwyt nou moet klaarkry?
Kyk ook Stewels van Stalin (en jou verwysing na Hongarye: November 1956) — destyds se Britse diplomatieke verhoudings vs nou se Brexit-hiatus.