Weg
Piran in die reën –
die sambreel is ons heelal
op Tartini-plein
die argief van ons saamwees
die stad en Middeleeue
Met nege vensters
en drie deure agter ons
loop ons op spatsels
kleur waarin hy ons afneem,
die man op die marmerplein
donker sillabe –
terwyl ek ʼn ou beeld vas-
hou in my geheue:
hoe sag, somtyds, is koepels,
hoe tydelik ʼn sambreel
© René Bohnen
‘n Gedig met ewigheids waarde! ‘n Woord skildery.