Waarheen vir Kersfees I
Ons bly net hier
Kersfees het ons ontvlug,
want Kersfees
vier jy vir jou kinders
en verlei jou kinders
ongesê, om jou te laat voel:
Ek doen dit vir my kinders
dié wit leuen van sneeu
en slee en takbokke
van kind na kinders oorgedra
Waarheen vir Kersfees II
Ons bly net hier
die geliefdes het
soos yskristalle
vertak en versmelt
en nuwe familiefeeste geword
Nou tel ons waar ons was
op soos presente onder die boom:
die Kersfeeste van 1989, 1997, 2000…
© Anton Döckel, 2022