Weskus Grotjie
welkom in die grot van genot
waar liefde natuurlik bot
waar weskus vriendelikheid jou hart sal bind
waar jy rus vir die siel sal vind
verloor jouself in die warm kampveldvure
kaalvoet tussen fynbos in die vroeë oggendure
hoor hoe sing natuur haar liefdeslied
in die stilte waar jy genesing kan geniet
kom stap deur tyd kaalvoet in die labirint
kom gesels met die fluisterende weskuswind
sing vir my saggies sing van die son
dou voor dag sweef die kraaie rond
waai vir die heelal soos die sterre verskiet
maak liefde weer die tema van jou lied
laat die vlaktes van steenbokfontein
jou verlos van alle verlede pyn
nooit sal ons vergeet die grot van genot
hier is lewe, hier is liefde, hier is God
ons is vol van vreugde vol van vrede
vol van die liefde reg om weer te lewe
ons groet vir eers
ons sien jou weer
tot dan
sal ek na jou verlang
© Gerhard Badenhorst, 2022