Kanker(s)politiek
in appelkoospit se kern
lê kanker se kuur –
samesweringsteorie
of skrif teen die muur
my moeder se lyf
sag soos die woord –
in kammaland geskep
uit ʼn sterwensakkoord
ons het nie pitte verkry
vir Pfizer vertrou –
en niks het makeer
in ons omgee vir jou
gesterf aan morfien
die pyn moes verdoof
dag van die maagde –
vir God steeds geloof
ons moes jou verloor
soos ander se lot –
almal stuur briewe
jou liggaam verrot
is kanker se kuur
ʼn oorkombare leer:
die antwoord is nee
Pfizer soek meer
in appelkoospit se kern
lê kanker se kuur –
samesweringsteorie
die prys was so duur
© Bester Meyer, 2023
https://www.youtube.com/watch?v=tPADSv3XAv0