Intensiewe sorg
Vir H.
Bedags, met internisjas aan, loop
hy deur patryspoortdeure
na ʼn ateljee van lewe-en-dood:
sy stetoskoop gelei ritmiese kloppe;
X-strale reduseer skelette tot etse
en skanderings klief harsings tot abstraksies;
kunslonge pomp soos konsertinas
en kiemkuursop sypel in die sterwende
fynproewer in.
Vanaand, met klanke, vloeikaarte
artistiek bemeester,
vervel die artsjas,
sweer bedkantkuns af,
kom katelkuns tuis:
die intense sorg van
I see you.
© Franco Colin, 2023