Raad vir Facebook-digters
Mooiskryf maak my lampennig
wat soek die sidderhitte
op die blaakwit seesand
in ’n gedig.
Iewers moes iemand
gehoor het dis hartsgrypmooi
Pleks jy ’n verseboek deurgrondlees
en bewys vind dat jy oorboordskryf.
Gee jou woorde ’n adamsbegin
dink slimmer, skryf paradyspuur –
een eerlike versreël (wat sin maak)
tel meer as ’n handvol (fênsie) woorde
© Anton Döckel, 2023