Mediese verslag
sweef oor ’n landskap, ’n arendsblik
oor die snye van paaie en kragdrade
oor ’n uitslag van oopgroefmyne
dorpies uitgelê soos hutsmerke
rowe van krapmerke op die veld
sweef oor die kriskras van stede
etterende wonde
met steke wat lostrek
die pasiënt toon tekens van trauma
© Anton Döckel, 2023
Ja, die mens verniel die aarde! Ek is nie ‘n letterkundige nie, maar ek dink dit is baie goeie gedig!
(Ek dink jy het eens op ‘n tyd saam met my man van toentertyd, Gert, gewerk. As my geheue my nie in die steek laat nie was dit by Sanlam in Bellville.)