Chosism
Frederik Engelbrecht
Terug na die dinge, die objekte,
soos die fenomenologie tereg eis.
Terug in die tyd besoek ons, toe jonk,
sy plaas (By die dinge) in die berge.
Hier kon ‘n mens uitkyk oor plantasies
met mis en reën en reën en mis.
Hy, met ‘n pyp in sy mond, was wars
van die conundrums van teorieë.
Hierom het hy dikwels verdwyn
met J.H.H. van den Berg se Metabletika,
tot in die diepste vesels, begryp.
Jonk en voortvarend wou ek eerder
Roland Barthes en Jacques Derrida lees,
wegvlug na die stad, films kyk;
só die leerplanne van die Bosveld
en Magoebaskloof volledig misgekyk.
© Joan Hambidge