Kaokoland
Wanneer ons in konvooi stofstreep
die Steilrandberge oor, warrelpluim
wit stof onder wiele; draal langsaam
sydelings oor die pad diep gekeep.
Onder ‘n boom ‘n Himbavrou
op ‘n donkie, stoïsyns sonder
om op te kyk terwyl snotneus kinders
nader storm en ons verbyry.
Die grondpad word ‘n binneruim
sigbaar tot by die eerste draai,
die helling eers regs dan links
met sinkpaat en dik sand in die middel.
Deur ‘n dowwe voorruit skreef ek my oë
om skerp klippe in die paadjie mis te ry.
© HJB 09/2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.
Dankie Kobus, waardeer.
Pragtige vers Hendrik. Jy laat ons die Kaokoland sê stof ruik….in vele opsigte.