Joga
ek kyk vir die maan wat goeienag sê aan die nag
en die son, aan die anderkant van die spektrum,
wat goeiemôre sê aan die kwinkslae van die dag
– aan die natuur se polsing is daar geen einde nie
die boemelaars by die vure maak hande warm –
man en vrou en vuur – natuur – hierdie môre-uur
vloei by die skrefiesdeur in, en dan weer daar uit:
my sien, bewussyn; my glo, gister se herinnering
my asem, pols van die natuur, maar ook hierdie uur,
alles wat my self aan die bewuswees van syn verbind
– om ʼn eggenoot vir die pyn van wese te vind –
moet ek sien in nét wat die ongesiene van kan sing –
lied is ʼn gesang van dit wat bewussyn (weer)spieël
in die bitter buitelyne (van) die reinste bewustheid
gee die stilte my ʼn dolk om ʼn sweempie asem te ver-
enig met die droomsinjaal wat my laat sien én laat glo
© Bester Meyer, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.