Lugar de fala
In ‘n nag van Kaapse storms
my bed ‘n skip oor die oseaan
en ek wonder wié word oorboord
gegooi
vannag om hierdie storm te stil?
Jona in die walvis soos die spreker
biddend dat die dak moet hou.
Van alle kante word ons bedreig:
reënskade in die suide en brande
in die noorde, te midde van beurtkrag.
Hoe het die ou Portugese seevaarders
hierdie kaap-van-storms toé beleef?
Was hulle vreesbevange of gewoon net
ge-lugar de fala, want môre sal die berg
voor hulle staan, uit rots gegiet, teen weer
en onrus bestand nes die hand van God?
© Joan Hambidge, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.