Duzikleigat
Vereensaam in sy somer skeppingsplek
gryp hy met soepel hand eers gou die klei
waarmee deur dit verdig en taai te brei,
hy daagliks soek na nuwe lewe wek.
Hy skep ʼn romp en sit daar bene aan,
en dan die stert en ook sy grote kop,
nie ongerymd met skerpe horings op
tot dan so net die bees op maat daar staan.
In sy verbeelding sien hy helder klaar
hoe hierdie horings alles oop sal skeur
en ritmies, onverbid’lik voort sal beur
tot almal daardie beeld se krag ervaar.
Maar sonder eie nuwe skeppingsgees
bly elke bulvers net vyfvoetig bees.
© Dietloff van der Berg, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.
Meyer, Dis vir my interessant dat al gaan ons al lank maan toe, het ons nog steeds nie eers ‘n definisie van wat ‘n gedig is nie, want jou moderne vormgewing en my tradisionele so-net verskil vormlik hemelsbreed van mekaar, al is daar wat ons denke betref ooreenkomste. Ek sien uit na jou nuwe bundel.
Diettloff, Soos ek vantevore gese het, hierdie gedig het nogal baie ooreenkomste met my eie gedig “Beeldbouer”” wat n ruk gelede op Versindaba verskyn het en eersdaags in my nuwe bundel sal verskyn. Lees dit gerus as jy dit nie ken nie.