Klaskamer: Die ander kant
Juffrou maak die klaskamerdeur oop
dat draers van disrespek saam met wanorde en wangedrag in kan loop.
Parate pedagoog het beplan –
‘n les en uitkoms van meer as net akademiese belang,
om te motiveer en inspireer,
maar
toksiese atmosfeer
laat hart en siel perforeer.
Altruisme en humanisme dreineer.
Rede en vrede het swygend uitgeloop.
Haar menswees mateloos gestroop
tot op die been.
Stoksielalleen
staan sy voor die spieël.
Verstom, verniel.
Weerkaatsing van ‘n ander dieper moeg.
Wanneer is genoeg, genoeg?
© Andrea Sieberhagen, 2023
Remember that the AVBOB Poetry Competition reopened on 1 August 2023. Visit our website regularly at https://www.avbobpoetry.co.za/ for editing tips and advice as well as updates about upcoming workshops.