Wentelbaan
Om en om en om
tuimel ek, meteoroïde, in my wye, wye wentelbaan.
Hoopvol, optimaal optimisties al om en om.
Vrywillig vasgevang in die waan
van ‘n ander, nuwe tuimelbaan.
Onbewus van swaartekrag
wat stilweg, onvoorsien in die donker wag.
Spiraal af en af, sonder keer
tot in die onbekende mesosfeer.
Meteoor.
Bolied.
Uiteindelik Meteoriet.
Menswees verloor.
My ster het verskiet.
©Andrea Sieberhagen, 2023