oorlog
ek verklaar oorlog
teen jou wat
blindelings my taal banaal bliksem
teen jou wat
argeloos apaties haar probeer verslaan
teen jou wat
haar weerloosheid wetter met weersin
teen jou wat
nie ‘n oor het vir haar sag sirene sinne
teen jou wat
skouer-op-trek-houding inslaan
ek verklaar oorlog…
deur jou
te skryf in gedigte
deur jou
te bespreek op forums
deur jou
in verhale vas te weef
deur jou
te sing in vryheidsliedere
ek verklaar oorlog…
ek antwoord jou
in Afrikaans
© Retha van Deventer
Dienlik, sonder sinkgate, goed geteer, betroubaar
en sy bring jou tot waar jy wil wees.