Begrebet Angest
Dit was Kierkegaard, die Deense eksistensialis,
wat hom uitlaat oor angs as die paradoks van keuse,
die grensloosheid van jou bestaan; of soiets.
Vir Slavoj Žižek, die Sloweense psigoanalis,
vrees glo die enigste ware emosie van die is.
In hede, verlede of toekomende bewuswees.
Soos Eybers radeloos in my kwest vir ‘n gedig,
‘n opsomming of vertaling: ‘n ek, ‘n Ich
bin teenoor je suis. (Voltooi maar gerus dié berig …)
© Joan Hambidge