Bosberading
As ons twee eendag weer stry kry,
bind ons gerus ook so saam
aan ’n maroelaboom vas.
Los ons dan daar vir ’n paar dae
sonder kos of water, presies soos
die voorvaders aanbeveel
om hartsake aan te spreek.
Boomterapie?
Dalk is daar in dié verband
selfs ’n beter alternatief:
Kom ons deel ’n paar glasies
goud uit die boom se vrug
en suiwer klinkklaar die lug.
© Hennie Nortje, 2023. “Noord van Malelane”. Turksvy Publikasies
Mooi gedig. Geluk!
Pragtig beskrywend en lekker vrolik soos al jou gedigte.
Pragtig! Wat beter vir samesyn as om n stukkie (slukkie) goud te deel!
Netjies gesê. Speels soos Hennie is.
‘Klinkklaar’ baie rats gebruik.
Laat my dink aan ‘n ou Bolandse heildronk: Olie,olie van die druif- laat dit sag na binne gaan sodat ons vriendskap kan bestaan.
Ek hou baie van die vindingrykheid weerspieël in hierdie vers! Dit gee kennis van n legende en bring dit humoristies in verband met meer as een moontlikheid.Knap gedaan!