Die hoë duikplank
Die bontvisvanger by die Onder-Sabiedam
is deesdae bra laks: pleks van ver van bo
op sy prooi af te plons, word nou sommer
sit-sit so van die brugreling af gejag.
Deur ’n mensgemaakte struktuur,
gebou vir ons gerieflike oorgang,
bespaar die natuur energie.
Maar daardie vryvalskouspel
vanaf die boonste duikplank,
dalk mis die voël dit net so.
© Hennie Nortje, 2023. “Noord van Malelane”. Turksvy Publikasies
Knap gedoen. Veels geluk.
Knap gedaan! Mooi gedig.
Ek hou baie van hierdie vers met sy onderliggende nostalgie.Ek bewonder ook die kuns daarvan om so baie so bondig te sê. Knap vers.
Pragtig Hennie!