Lupus-(lunar)verduistering
jou seersnel gewrigte slampamper in maanlig
immer sku ontwykend voor son-sneller
ek proe jou vlindervlerkpynkrete purperrooi
selfvernietigend
onbeweeglik voed, vermaan, vertroetel jy kermende kroos
geëtiketteer
ontoeganklik ontoereikend onbevoeg ongereken
vernietig veretter in omgewingsfeer-melkweg
wentel jy al verder
rebelleer jou stralekrans:
“laat my lig helder wees?”
voordat jy eksplisiet deur my vingers glip
steroïd-verskietend’ ster in lupus-(lunar)verduistering
stilstaar ek magteloos
tot sterstof disintegreer in die niet
om dagbreektyd te skitter in Venusgloed
©Retha van Deventer, 2024.