(Danél Botes is ‘n Graad 11-leerder aan die Hoërskool Ooos-Moot in Pretoria.)
‘n Steek in die rug
Die steek in my hart
het na dertig jaar
‘n letsel
op my borskas gelos.
‘n Deurdringende besering
aan die hart,
wat ‘n hoogs dodelike toestand is,
gelukkig mis gesteek.
Die bloed wat geloop het
en die vloer gevlek het,
nou weg gewas soos sy sondes
wat my gesteek het.
My liggaam elke keer in adrenalien
as ek daardie skerp wapen sien.
My liggaam elke keer in skok
as ek daardie onvergewensgesinde oomblik voel.
Die herinneringe van die hospitaallig
in my oë,
is so bitter soos sy koffie
en so swart soos sy hart.
Steek die liggaam
en dit genees,
maar maak die hart seer
en dit spook ‘n leeftyd.
Die steek in my hart
nes ‘n steek in die rug.
Agterdogtig en aspris.
Na dertig jaar is die letsel ‘n teken van
oorwinning en krag.
© Danél Botes, 2024