Onverhinderd
die Khoisan se woord vir een is /Gui
maar hulle sê alleen kan ‘n mens nie
/Gui wees nie daar moet nog een wees
wat jou sien en jou bestaan sal beaam
só moet die aanloop tot die dood verloop
nie alleen nie maar as /Gui met iemand
wat jou weggaan beaam soos my vriend L
met sy dogter langs hom in sy woonstel
hospitale is heel onbekwaam vir doodgaan
hul strewe om die lewendes lewend te hou
het hy gesê en toe sý tyd kom het hy gevra
laat my onverhinderd wag op die neweldou
© Hannes Visser, 2024