Writing, Inc.
Is u hand verseker?, vra ‘n omroeper
vir ‘n musikant: kitaar- en tromspeler.
Is mý hand verseker?, vra ek myself af.
My oë en luisterende ore in ‘n polis op-
geteken: as ‘n blinde Borges of dowe Beethoven
wil die uwe bepaald dit nimmer onderteken.
Hoor en sien mag nooit, maar nooit vergaan.
Die voëls op my balkon skep ‘n eie klankbaan.
En die rooi dakke, groen ligene, wolke blou,
word daagliks in ‘n klein woordpolis toegevou.
© Joan Hambidge
Mooi!
Dis lieflik, dankie.