donkermaan
dit raak donkerder
as jy verby hierdie papierwoorde
stap en knus teen my
kom staan sodat ek
net nodig het om te fluister
donkerder selfs as ek my mond
oopmaak om te praat
maar daar waar my gedagtes
soos springgetybranders
op skedelkusrotse breek
kan selfs ek niks sien nie
bly my maan en masker soek
© Johan Swanepoel
Op en af, op en af teen die leer- al stoeiend met die Engele
Wel gedaan Mnr. Swanepoel
Baie dankie Benjamin.