Marthé McLoud. Verlaat

 

Verlaat

Still there is this terrible desire to be loved.  Still there is this horror at being left behind  – Michael Cunningham 

 

Vyftien jaar oud en ek droom

myself in ‘n nagmerrie in

en skrik in koue sweet wakker.

 

Dis pouse.  Ons almal

is op die speelgrond met

kettings en slotte om ons lywe.

 

Meteens kyk almal op.

Jesus verskyn

op die wolke.

 

Al die kettings val af –

myne ook. Almal kry

vlerke en vaar op.

 

Ek klap en klap en klap my vlerke.

Ek probeer só hard, maar

ek is te swaar om op te styg.

 

©Marthé McLoud, 2024