Tafelgebed vir oupa, ons ontneem
Barmhartige Vader, soos gewoonlik:
Vir spys en drank
Bring ons u dank
Soos altyd
Maar Here,
as my vrou en dogter my toelaat,
nog ‘n dingetjie of wat
Ai Here
Daar’s ‘n leë stoel hier
‘n genooide gas wat ons moes ontnooi
Ons kan nie bid
Dat u die sitplek moet vul
Sodat sy stem nog eenmaal hierdie tafelgebed sê
Daarom vra ek net
Vrede vir hom dáár, berusting vir ons, hier.
Seën selfs ons trane
In jesus naam
Amen.
© Charl Durand, 2024