Daniel Hugo
Asielsoekers
Vir Gus Ferguson
ek sit in die omheinde tuin
waar ek teen die wêreld kan skuil
die tuinman sprinkel sy korrels gif
terwyl ’n naakslak naderseil
sy spoor op die gruis is glinsterskrif
soveel weerloosheid laat my huil
© Daniel Hugo, 2024
Mooi Daniël. Wat jy weet, is dat jy nie so uitgelewer is nie, waar jy kan skuil. Tog is jy, want jy weet die arme slak is uitgelewer. Jy ken die tuinman se plig. Die glinsterskrif is die slak se laaste getuienis van bestaan. Jou weerloosheid is jou eie, die tuinman se onbewustelike, en dit van die slak. Netjies!
Elke woord in plek! Welgedaan!