Die god teen die dak
Ore toe onder louwarm water
Op my rug
staar ek deur die stoom
na die badkamer lig
Skielik,na links, so twee oop hande
sit jy groen-skel afgeëts teen die knotty pine planke
Hottentotsgot het die mense jou genoem
maar om polities korrek te bly
is die tyd van daai mooi woord verby
dis ok want ek herken jou
Ek ken jou gees
Dis nie nodig vir my
om jou ‘n naam te gee
en terwyl bomme heen en weer
geslinger word in die midde ooste
en tussen gewone mense ontplof
vind ek en jy hulle “god”
hier
in stilte
tussen die bad
en die plafon
© Sarel van Zyl,2024